「你前妻件事，打算點呀？」臨離開我家前，我問Mark。
「放心！我會處理。由今日開始，我會盡能力保護我哋呢段關係。」Mark答。
「嗯。」
我讓Mark在門前輕吻我後，就讓他離開了。我軟癱在沙發上，寧靜得幾乎聽到屋外的微風聲。事實上，我已經完全無力了。
昨晚經歷了人生首次全心全意的性愛，在Mark進入一刻，我再一次墜進那如黑洞般的虛無世界，身心卻在失去著力點下被瘋狂地擺動，就連眼皮也無法睜開。那種興奮的感覺就像坐在過山車上，這邊廂才升高，那邊廂就下衝，害我不停尖叫。
我聽說日本有一個「絕叫過山車」，由於高速飛馳產生的風壓影響淚線，乘客無可避免地被壓出眼淚。昨晚，我卻不只淚水，幾乎能流出的體液也禁不住洩出來。
在清醒與失去知覺之間，我感受到Mark從肉體到思想都奔流到我的深處。他的孤獨感是我前所未見的，因而在遇上擁有相同能力的我，便份外激動用力，希望我成為他龐大的感情容器。而我已失去一切抵抗能力，任由他盡情一瀉如注。
本來，一覺醒來後仍筋竭力疲，卻被Mark撫摸幾下後，又再意猶未盡。結果，在晨光的暖意下，我又再墜進那令人痴迷的沉淪狀態。
「真係好靜……」我躺在沙發上自言自語起來：「靜得前所未有……」
我突然從沙發跳起來。對了！小姐呢？難怪會如此安靜，就連平常慣常討食物的動靜也沒有。
「小姐？小姐？你喺邊呀？」
我急了，因為小姐的飲食時間，規律得如同日本地鐵一樣。只要我遲了點餵食，她就一定會發脾氣地叫。微風從屋外帶來了一點寒意……風？昨晚我以為Mark被車撞倒，所以跑出屋。回來後，我已經被Mark溶化了，一直做愛到今朝。對了！我一整晚沒有關窗，難道小姐跳了出去？千萬不要呀！
我連望探頭出窗外，幸好街上沒有任何異樣，地面也沒有血跡之類，我才鬆一口氣。但她到底去了那裡呢？
正當我氣急敗壞之際，門鈴響起。開門後，隨了見到嘉儀外，還有小姐急不及待在門隙跑回家。
「你做咩趕咗小姐出門口呀？我頭先見佢喺後樓梯前面，傻下傻下咁。」嘉儀問。
「我點會呀！我都唔知點解佢會行咗出去。可能尋晚，我開門俾Mark果時……」
「佢上過嚟咩？」
「係……仲今朝先走……」
我一五一十把Mark上來的因由告訴了嘉儀，還坦白我們上了床。
「咁就大鑊啦喇！」嘉儀凝重地說：「你之前可以咁理直氣壯，原因係你哋兩個未上床，唔算出軌。但而家你哋咁樣，話晒同老婆未正式離婚，真係衰啲講，你算係勾佬喎。」
「咁佢哋兩個遲早都分開㗎啦！」
「遲早係『遲』同『早』啲分別，你係早咗就早咗。同埋，又係你自己講Mark似乎除咗上床之外，仲有其他令佢更在意嘅目的㗎嘛。你攪清楚嗱？」
「未……不過，尋晚嘅環境真係……我唔識講。總之，我抗拒唔到啦！」
「你係又俾佢思想控制住，定係你自己根本情不自禁呀？」
「無錯！一定係比佢控制住。」我斬釘截鐵地答。
「我最驚係另一個可能。」嘉儀猶疑了一陣，續說：「我怕你因為知道佢有呢種能力，反而不知不覺間有個藉口俾自己，令自己條底線每況愈下。」
我沉默了，失去反駁的衝動，因為我實在無法完全否定這個可能性。然而，我竟沒有發現小姐給我的「警告」。
******
那一晚後，我跟Mark不時也會做愛，每一次也能享受到高潮帶來的快慰，但卻不在我們任何一方的家。在他那裡，我實在陰影太大。在我這裡，又隱約覺得小姐會不喜歡。起初，他會為我們的「小約會」預訂酒店，但慢慢就變成時鐘酒店，因為有時會安排在平日下班見面。可是，次數愈多，我就愈擔心不能離開他，也有幻想過失去他後的空虛。因此，每一次當我想問他關於其太太的進展時，就總是說不出口。
「是旦啦！」嘉儀也為我急躁起來，我也只好如此回應。
「你覺得咁樣真係好咩？唔清唔楚咁。」嘉儀再問追。
「唔係可以點啫。一次又係出軌，兩次又係出軌，有分別咩？如果佢有心玩我，要玩完就走，我都留佢唔到㗎，到時咪自然散囉。」
「咁如果有咗，點呀？」
「唔會。我有食藥。」
「吓？你為咗佢食藥？」
「而家都好普通啫。」
再一次，我無法坦白告訴嘉儀，跟Mark最全面接觸的渴求。或許，我已經對墜進虛無的刺激感上癮。
「姐妹，你真係要好認真咁諗清楚。」嘉儀放下零食，露出非常嚴肅的表情說：「你而家所做嘅，同你身材一樣，都已經犯晒規啦！如果佢老婆真係再嚟搵你的話，除非有危險，否則盡量錯就要認。當然，打唔駛企定啦！因為原則上，你真係有負於佢。」
「點解唔避開佢就算？」
「我怕你避完，佢反而會上網公審你。到時，咁就一世㗎啦！」
「得喇。我有分寸。」
那一刻，我完全沒想過嘉儀竟像有預知能力一樣。三日後，我真的在街上再碰到Mark的太太。而且，她更是迎面而來，避無可避的相遇。
「你好！終於又再見面。」Mark的太太仍是跟首次見面時一樣，溫文得過份。
「你好。」雖然很尷尬，但既然避無可避，我也只好硬著頭皮面對。「今次你又係專登嚟搵我？」
「係。唔好意思，上次嚇親你。」
「我明白妳嘅感受。」到底她知否我已跟Mark上床呢？還是我應繼續上次的堅持？在思考期間，我一時口快說：「Mark話你精神有問……」
糟了！怎可能如此失禮！而且，可能她因在意自己的病而發狂。
「精神病嗎？」太太卻淡然一笑：「無錯，我係有病。不過，你應該唔知道呢個病係Mark 一手做成嘅。」
「因為佢要同妳離婚？」
我屏息以待，而她的目光由友轉為輕視，笑容也從淡然變成嘲笑。
「唔係。係佢唔肯同我離婚，仲利用我去一次又一次咁傷害其他女仔，包括你。」
（待續）
柏原太賀Facebook：https://www.facebook.com/Kashiwabara30/
